Gunnar Magnús Jónsson var svekktur eftir fyrsta tap Keflvíkinga í Bestu deildinni í sumar.
Keflavíkurstelpur hafa farið feykilega vel af stað á nýju tímabili og eru með sex stig eftir sigra gegn KR og Breiðablik í fyrstu umferðunum. Þær töpuðu þó gegn sterku liði Vals í dag.
„Það er alltaf súrt að tapa. Við lentum á mjög öflugu Valsliði í dag, það gekk vel að eiga við þær í fyrri hálfleik en þær ná að setja þrjú í seinni hálfleiknum. Betra liðið vann í dag," sagði Gunnar.
„Það er virkilega gott að vera með sex stig eftir þessar þrjár fyrstu umferðir. Við fórum í gegnum síðustu fimm leiki síðasta tímabils án taps og núna vorum við búin að sigra tvo í röð þannig það hlaut að koma að tapi."
Keflavík og Valur eru jöfn með sex stig eftir einvígið í dag.
Viðtalið í heild má sjá hér fyrir ofan.