Það er algerlega óvíst hvort nýliðar ensku úrvalsdeildarinnar í Ipswich Town muni kaupa sænska leikmanninn Jens Cajuste frá Napoli í sumar. Þetta segir Fabrizio Romano.
Ipswich fékk Cajuste á láni frá Napoli árið 2024 er liðið komst upp í ensku úrvalsdeildina.
Hann féll með liðinu í fyrra en ákvað að framlengja dvöl sína um ár til viðbótar.
Í lánssamningnum var kaupskylda ef Ipswich myndi koma sér aftur upp í ensku úrvalsdeildina og hann myndi spila 50 prósent af leikjum liðsins.
Ipswich er komið aftur upp en Cajuste hefur ekki spilað 50 prósent leikja og fær því enska félagið möguleika á að hugsa málið.
Félagið hefur frest til 10. júní til þess að virkja kaupákvæði sem nemur um 7,5 milljónir punda.
Cajuste er með 31 leik með Ipswich á tímabilinu en aðeins 1280 mínútur spilaðar. Á síðustu þremur mánuðum hefur hann aðeins spilað um það bil hálftíma og því ekkert víst að Ipswich vilji halda honum áfram í endurkomu sinni í ensku úrvalsdeildina á næstu leiktíð.
