Keflavík tók á móti Víkingum í 5. umferð Bestu deild karla á HS Orku vellinum í kvöld. Þrátt fyrir flotta frammistöðu hjá heimamönnum urðu þeir að sætta sig við tveggja marka tap.
Lestu um leikinn: Keflavík 1 - 3 Víkingur R.
„Niðurstaðan 3-1 er alltof stórt tap að mínu mati" sagði Haraldur Freyr Guðmundsson þjálfari Keflavíkur svekktur eftir tap.
„Við hefðum átt að eiga skilið út úr þessu allavega eitt stig. Frammistaðan var fín en því miður úrslitin ekki"
Keflavík mættu mun kraftmeiri út í seinni hálfleik og því svekkjandi fyrir heimamenn að fá ekkert úr þessum leik.
„Mér fannst við komast í góðar stöður, kannski ekkert mikið af dauðafærum en þó í lokin þá fáum við kannski einhver dauðafæri til þess að setja hann í rammann"
„Við vorum bara fínir í dag, fínn leikur af okkar hálfu. Mér finnst við eiga að gera tilkall til þess að fá víti. Mér finnst brotið á Eið [Orra Ragnarssyni] eftir að hann skýtur boltanum á markið og svo finnst mér hangið í Stefani [Ljubicic] alltof mikið, þeir fá að hanga alltof mikið í Ljúbba og mér finnst við eiga að fá annað víti þar þegar hann er togaður niður í teignum"
Davíð Helgi Aronsson lánsmaður frá Víkingum var ekki með Keflavík í dag en hann hefur átt flotta byrjun á mótinu. Keflvíkingar hefðu þurft að greiða einhverja summu ef hann hefði spilað á móti Víkingum í kvöld.
„Hann hefði alveg geta spilað en liðin gerðu með sér samkomulag um lánssamning og í honum stendur að hann spili ekki á móti Víking"
„Það er hægt að spila honum en það hefði kostað einhverjar krónur" sagði Haraldur Freyr Guðmundsson.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 8 | 7 | 1 | 0 | 26 - 4 | +22 | 22 |
| 2. KR | 8 | 6 | 1 | 1 | 30 - 19 | +11 | 19 |
| 3. Fram | 8 | 5 | 2 | 1 | 21 - 13 | +8 | 17 |
| 4. Breiðablik | 8 | 4 | 3 | 1 | 19 - 11 | +8 | 15 |
| 5. Valur | 8 | 5 | 0 | 3 | 17 - 14 | +3 | 15 |
| 6. Keflavík | 8 | 3 | 2 | 3 | 11 - 12 | -1 | 11 |
| 7. KA | 8 | 3 | 1 | 4 | 9 - 10 | -1 | 10 |
| 8. ÍA | 8 | 2 | 3 | 3 | 11 - 16 | -5 | 9 |
| 9. Stjarnan | 8 | 2 | 1 | 5 | 14 - 18 | -4 | 7 |
| 10. Þór | 8 | 2 | 0 | 6 | 6 - 20 | -14 | 6 |
| 11. FH | 8 | 0 | 2 | 6 | 12 - 25 | -13 | 2 |
| 12. ÍBV | 8 | 0 | 2 | 6 | 8 - 22 | -14 | 2 |
