„Mér fannst frammistaðan upp og niður. Auðvitað fyrri hálfleikur, lendum þrjú eitt undir rétt fyrir lok fyrri hálfleiks og maður hefði viljað frekar fara tvö eitt en þrjú eitt inn í klefa. Minnugur þess hvað gerðist hér áður, þá höfum við snúið þrjú núll fyrir tveimur árum í þrjú þrjú. í dag snerum við þrjú eitt í fjögur þrjú sigur og við höfum trú á því: Við höfðum smá vind i bakið í síðari hálfleik og þá auðveldara að þrýsta þeim aðeins neðar og skapa hættur. Við vorum öflugir í sóknarleiknum í seinni hálfleik en þetta var ekki fallegur fótbolti. Þetta var ekki fallegur fótboltaleikur en engu að síður þá held ég að allir séu glaðir að sjá sjö mörk í leiknum sagði Rúnar Kristinsson þjálfari Fram eftir sjö marka úti sigur gegn FH á Kaplakrika.
Lestu um leikinn: FH 3 - 4 Fram
Virkaði planið í seinni hálfleik?
„Já. Ég meina planið í seinni hálfleik var ekkert ólíkt því sem planið var í fyrri hálfleik, það var bara vindurinn sem hjálpaði okkur að koma í betri stöður og við tókum aðeins meiri sjensa í að þrýsta Kennie hærra upp völlinn og breyttum ekki miklu en ég er bara með marga klóka fótboltamenn þarna inni sem skilja hvar eru svæði og hvar er best að koma boltanum fyrir markið og hvar er best að sækja. við reynum að leiðbeina þeim eftir bestu getu á hliðarlínunni ef við þurfum að laga eitthvað."
Voru mörkin sem þið fenguð á ykkur klaufaleg?
„Alltaf þegar maður fær á sig mörk, eru þau öll klaufaleg. Nei nei Kjartan Kári frábær í sinni stöðu, fyrsta markið þeirra þá fær hann bara fyrirgjöf sem hann elskar að gera og þeir eru með Flóka og Úlf inn í boxinu. Það verður eitthvað klafs þarna hvort að það sé sjálfsmark eða ekki, veit ég ekki. En þeir koma okkur í erfiða stöðu með því að eiga þessa frábæra fyrirgjöf. Ég man ekki hvernig annað markið var en þriðja allaveganna hornspyrna á fjær sem er skölluð aftur inn í teiginn og þa er hún flickuð inn í markið."
Fullt viðtal í spilaranum fyrir ofan
