„Þetta er mjög sætt, ekki bara fyrsti sigurinn heldur bara mjög vel spilað hjá okkur. Leikmenn stigu mjög hátt á það alveg frá byrjun, og við héldum boltanum vel innan liðsins og spiluðum leikinn bara mjög vel. Þannig það er tvöfalt, stigin og frammistaðan," sagði Lárus Orri Sigurðsson þjálfari ÍA eftir 2-1 sigur gegn Stjörnunni.
Lestu um leikinn: Stjarnan 1 - 2 ÍA
Skagamenn lentu undir á 10. mínútu en gerðu vel í að koma til baka og vinna leikinn.
„Þetta sýnir góðan karakter. Það er auðvelt þegar á móti blæs að gefast upp en þetta var mjög fagmannleg frammistaða í dag, menn héldu haus allan tímann, höfðu trú á þessu allan tímann. Frábær stig á erfiðum útileik," sagði Lárus.
Viktor Jónsson skoraði sigurmarkið á 87. mínútu eftir verulega slakann varnarleik hjá Stjörnunni.
„Við vissum alveg hvernig þeir spila. Þeir eru með gríðarlega öflugt lið fram á við og rosalega góða leikmenn í liðinu hjá sér. En það eru líka veikleikar í þeirra liði eins og hjá öllum liðum, við reyndum að nýta okkur það," sagði Lárus.
Viðtalið má sjá í heild sinni í spilaranum hér fyrir ofan.
