Domenico Berardi er kominn aftur í byrjunarliðið eftir leikbann og skoraði laglegt mark til að taka forystuna strax á fimmtu mínútu eftir einfalda sendingu frá Armand Laurienté.

Enski miðvörðurinn Fikayo Tomori lét reka sig af velli á 24. mínútu þegar honum tókst að næla í sitt seinna gula spjald fyrir taktískt brot á Laurienté til að stöðva skyndisókn. Sjáðu atvikið

Staðan var 1-0 í hálfleik og gerði Max Allegri taktíska breytingu á liði Milan í leikhlé en lærlingar hans réðu ekki við ellefu heimamenn. Laurienté tvöfaldaði forystu heimamanna eftir frábært þríhyrningsspil við Kristian Thorstvedt strax í upphafi síðari hálfleiks en tókst ekki að bæta fleiri mörkum við leikinn, svo lokatölur urðu 2-0. Thorstvedt átti einnig stóran þátt í fyrra marki leiksins.

Sassuolo siglir lygnan sjó um miðja deild, sex stigum frá mögulegu evrópusæti þegar þrjár umferðir eru eftir, á meðan Milan situr í þriðja sæti. Milan er í góðri stöðu í baráttunni um meistaradeildarsæti en gæti þurft tvo sigra úr síðustu þremur leikjunum til að tryggja sætið.

Fyrr í dag áttust Bologna og Cagliari við en hvorugu liði tókst að skora í nokkuð jöfnum slag og afar tíðindalitlum slag.

Sassuolo 2 - 0 Milan
1-0 Domenico Berardi ('5 )
2-0 Armand Lauriente ('47 )
Rautt spjald: Fikayo Tomori, Milan ('24)

Bologna 0 - 0 Cagliari

Smelltu hér til að kaupa áskrift að Livey