U16 landslið karla lék við Finnland í gær og urðu lokatölur 2-2 eftir venjulegan leiktíma svo fara þurfti í vítaspyrnukeppni.
Sigurður Nói Jóhannsson, leikmaður KA, og Emil Eldar Takao Árnason, sem leikur með unglingaliði Hammarby í Svíþjóð, skoruðu mörk Íslands í jafnteflinu.
Finnar unnu svo vítakeppnina 5-3 til að fara með sigur af hólmi í viðureigninni.
Þjóðirnar taka þátt á þróunarmóti UEFA í Finnlandi og er næsti leikur gegn Lettlandi í fyrramálið.
