Íris Dögg Gunnarsdóttir mun standa áfram í marki Þróttara á komandi tímabili en Þróttur er að leita að markverði til að berjast við hana um stöðuna.

Hafdís Hafsteinsdóttir var varamarkvörður fyrir Írisi á síðustu leiktíð en hún var þá á fimmtánda aldursári.

Félagið ætlar nú að reyna að sækja erlendan leikmann til að berjast við Írisi en Brassington, markmannsþjálfari Þróttar, auglýsir eftir markverði á Twitter í kvöld.

Markvörðurinn verður að vera með evrópskt vegabréf en þar kemur fram að leikmaðurinn mun fá greitt mánaðarlega og þá mun félagið sjá um að útvega henni starf með fótboltanum.

Þróttur hafnaði í 4. sæti Bestu deildarinnar síðasta sumar.