Ólafur Þórðarsson
Ólafur Þórðarsson, þjálfari Víkinga gat verið sáttur eftir 2-2 jafntefli sinna manna gegn Val í kvöld en Valur komst í 2-0 í fyrri hálfleik.
Lestu um leikinn: Víkingur R. 2 - 2 Valur
„Já, úr því sem komið var, við hins vegar lögðum upp með að fá þrjú stig úr þessum leik. Fyrri hálfleikurinn var mjög erfiður og við virtumst ekki vera klárir að mæta þeim."
„Við vorum ekki tilbúnir að berjast. Við gáfum þeim hrikalega auðvelt fyrsta mark sem var algjört klúður hjá okkur. Okkur var refsað fyrir mistökin og við misstum hausinn við það."
Óli segir að Víkings liðið hefði getað fengið enn meira úr leiknum.
„Við fengum tvö dauðafæri í byrjun seinni hálfleiks. Það er ljóst að það verður mjög erfiður leikur, þeir eru með gott lið."
Óli vildi ekki fara mikið í hálfleiksræðu sína í kvöld.
„Ég þarf ekkert að ræða hana hér, við fórum vel yfir stöðuna í hálfleik en það voru svo sem engin stórkostleg læti."
