Keflavík tapaði á dramatískan hátt gegn KR á Meistaravöllum fyrr í dag. Keflvíkingar leiddu 1-2 þegar aðeins um fimm mínútur voru eftir af venjulegum leiktíma en KR sneri taflinu við og uppskar 3-2 sigur.
Fótbolti.net ræddi við Harald Frey Guðmundsson, þjálfara Keflavíkur, eftir leik.
Fótbolti.net ræddi við Harald Frey Guðmundsson, þjálfara Keflavíkur, eftir leik.
Lestu um leikinn: KR 3 - 2 Keflavík
„Þetta eru gríðarleg vonbrigði. Ótrúlega svekkjandi. Að byrja á því að jafna og komast síðan yfir. Lítið eftir og við með leikinn, lítið að gerast hjá þeim, og kasta þessu frá sér í lokin.“
Hvað gerist í stöðunni 1-2?
„Þeir gera vel í báðum mörkunum. Við hefðum getað brotið í jöfnunarmarkinu í staðinn fyrir að leyfa honum að hlaupa á okkur. Ég veit það ekki. Við gerum skiptingar, sem við teljum vera réttar, einhverjar voru nauðsynlegar vegna meiðsla.
Síðan er þetta bara eins og þetta er. Þetta er fótbolti. Sex mínútur eftir þegar staðan er 2-1 fyrir okkur, við þurfum að geta haldið það út og loka leiknum, allaveganna tekið með okkur stig.“
Viðtalið má sjá í heild sinni í spilaranum hér að ofan.
