Þessi 19 ára gamli leikmaður er búinn að vera frábær með Stjörnunni á tímabilinu og frammistaða hans varð til þess að hann var valinn í U21 landsliðið. Þar var hann stórkostlegur í þremur leikjum í undankeppni EM.

Samkvæmt heimildum Fótbolta.net er Óli Valur farinn til Svíþjóðar og búinn að skrifa undir samning við Sirius. Á dögunum var greint frá tilboði Sirius í Óla Val og í kjölfarið hefur tilboði í leikmanninn verið tekið.

Aron Bjarnason er á mála hjá Sirius og hefur spilað hægra megin, bæði sem vængmaður og bakvörður, en sænska liðið situr í 10. sæti deildarinnar með 18 stig eftir þrettán leiki. Aron lék í hægri vængbakverði í síðasta leik og lagði upp eina mark liðsins í jafntefli gegn Kalmar.