Rúnar Alex Rúnarsson, markvörður Dijon og íslenska landsliðsins, er á leið til Arsenal að sögn Elliot Richardson sem heldur úti vefsíðunni „Dugout."
Magnús Agnar Magnússon, umboðsmaður Rúnars, vildi ekki tjá sig um málið þegar Fótbolti.net hafði samband við hann í dag.
Magnús Agnar Magnússon, umboðsmaður Rúnars, vildi ekki tjá sig um málið þegar Fótbolti.net hafði samband við hann í dag.
Arsenal er að selja varamarkvörð sinn Emiliano Martinez til Aston Villa á 20 milljónir punda og ætlar að fá markvörð í staðinn.
Sá markvörður ku vera Rúnar Alex en hann hefur verið varamarkvörður hjá Dijon í frönsku úrvalsdeildinni.
Hinn 25 ára gamli Rúnar er uppalinn hjá KR en hann gekk í raðir Nordsjælland í Danmörku árið 2014.
Hjá Nordsjælland var markmannsþjálfari hans Inaki Cana en Mikel Arteta fékk hann á síðasta tímabili inn í þjálfarateymi sitt hjá Arsenal.
Cana þekkir vel til Rúnars og líklegt er að hann hafi bent Arsenal á hann.
Athugasemdir