Jóhann Berg í leiknum gegn Frökkum.
Óvíst er hvort Jóhann Berg Guðmundsson og Rúnar Már Sigurjónsson verði með íslenska landsliðinu í lokaleikjunum í undankeppni EM í næsta mánuði.
Jóhann og Rúnar tognuðu báðir aftan í læri gegn Frökkum í fyrrakvöld og verða ekki með gegn Andorra á morgun.
Óvíst er hvort þeir nái leikjunum gegn Tyrklandi og Moldóvu í nóvember.
Jóhann og Rúnar tognuðu báðir aftan í læri gegn Frökkum í fyrrakvöld og verða ekki með gegn Andorra á morgun.
Óvíst er hvort þeir nái leikjunum gegn Tyrklandi og Moldóvu í nóvember.
„Við vitum það ekki ennþá. Það er auðvitað stórt spurningamerki á þessum tímapunkti. Svona meiðsli taka vanalega 3-6 vikur. Við sjáum hvernig það verður," sagði Erik Hamren landsliðsþjálfari á fréttamannafundi í dag.
Aðrir leikmenn í íslenska landsliðshópnum ættu að vera klárir í leikinn á morgun.
„Samúel (Kári Friðjónsson) fann fyrir magaverkjum í nótt og æfir ekki í dag en allir aðrir æfa í dag," sagði Hamren.
Athugasemdir
