Sligo Rovers, sem hinn írski Coleman lék fyrir í þrjú ár áður en hann var keyptur til Everton 2009, tekur þar á móti FH, uppeldisfélagi Gylfa Þórs.

FH vann fyrri leikinn 1-0 á heimavelli þar sem Steven Lennon gerði eina mark leiksins á 85. mínútu gegn tíu leikmönnum Sligo.

Það er mikið undir í seinni leiknum en Hafnfirðingar geta ekki reitt sig á útivallarmörk.

Coleman hefur því ákveðið að senda sínu gamla félagsliði baráttukveðjur fyrir leikinn gegn FH sem má sjá hér. Það er spurning hvort Gylfi taki að sér að svara þessu.