Þýska félagið Eintracht Frankfurt seldi sóknarmanninn Luka Jovic til Real Madrid í síðustu viku.
Kaupverðið var ekki gefið upp en er talið vera í kringum 65 milljónir evra. Þetta er rosaleg sala hjá Frankfurt sem keypti Jovic frá Benfica fyrir 7 milljónir evra í apríl. Jovic hafði verið á láni hjá Frankfurt frá Benfica.
Jovic er 21 árs serbneskur landsliðsmaður sem vakið hefur mikla athygli. Hann skoraði 17 mörk í 32 leikjum í þýsku Bundesligunni á liðnu tímabili og átti auk þess sex stoðsendingar.
Frankfurt ætlar ekkert að breyta mikið til. Frankfurt er búið að kaupa Dejan Joveljic frá Rauðu stjörnunni í Serbíu.
Joveljic er efnilegur sóknarmaður, hann er 19 ára gamall. Talið er að Frankfurt muni borga fyrir hann í kringum 5 milljónir evra.
Þeir sem spila tölvuleikinn Football Manager ættu að kannast við hann. Joveljic er mjög öflugur í þeim leik.
Frankfurt ætlar greinilega að treysta á sömu formúlu. Nafnið er svipað, þeir eru fæddir í sama bæ í Bosníu og koma báðir upp í gegnum akademíuna hjá Rauðu stjörnunni í Belgrad.
Welcome to the Eagles, Dejan Joveljic! The 19-year-old striker has signed a five-year contract at Eintracht after joining from Red Star Belgrade. #SGEhttps://t.co/tUpBEVmZ0v
— Eintracht Frankfurt (@eintracht_eng) June 14, 2019
Athugasemdir