Damir fékk rautt spjald í gær.
Topplið Breiðabliks verður án þriggja leikmanna sem taka út bann þegar liðið heimsækir Fram í Úlfarsárdal á mánudagskvöld. Þar á meðal er Damir Muminovic sem fer sjálfkrafa í eins leiks bann eftir rauða spjaldið sem hann fékk gegn Víkingi í gær.
Á fundi aganefndar í dag var svo staðfest að Dagur Dan Þórhallsson og Gísli Eyjólfsson verða líka í banni en þeir hafa safnað fjórum spjöldum hvor.
Á fundi aganefndar í dag var svo staðfest að Dagur Dan Þórhallsson og Gísli Eyjólfsson verða líka í banni en þeir hafa safnað fjórum spjöldum hvor.
Logi Tómasson verður í banni hjá Víkingi sem fær Val í heimsókn á mánudag, vegna uppsafnaðra áminninga.
Alex Freyr Hilmarsson, miðjumaður ÍBV, hefur einnig safnað fjórum gulum spjöldum og verður í banni gegn ÍA á sunnudag. Skagamenn verða án Hlyns Sævars Jónssonar í þeim leik, þar sem hann fékk rautt í síðustu umferð.
Hjá FH er Guðmundur Kristjánsson kominn í bann vegna uppsafnaðra áminninga og verður ekki með í leik gegn Keflavík í Kaplakrika á mánudaginn. Keflvíkingar verða án Frans Elvarssonar sem tekur út bann.
Þá tekur Aron Þórður Albertsson, leikmaður KR, út bann á mánudag gegn Leikni í Breiðholtinu.
Í Lengjudeildinni voru fjórir leikmenn Þórs úrskurðaðir í bann vegna uppsafnaðra áminninga en með því að smella hér má sjá allan úrskurð aganefndarinnar frá því í dag.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
