„Við tökum öll völd á vellinum í byrjun. Við tökum strax stjórnina og spiluðum virkilega vel." Segir Jón Þór Hauksson þjálfari íA eftir 4-0 sigur á Ægi í kvöld.
Lestu um leikinn: ÍA 4 - 0 Ægir
„Við lögðum upp með það að koma að krafti inní leikinn. Strákarnir spiluðu góðan fótbolta og sköpuðu fullt af færum og þetta var vel gert. Fyrsta markið var frábært og við hefðum getað skorað fleiri mörk en það féll ekki. Virkilega góður sigur."
ÍA fékk sannarlega færin til að vinna leikinn með stærri mun en inn vildi boltinn ekki.
„Ég er aðallega sáttur með sigurinn en við spilum frábærlega út á vellinum en auðvitað er með svekktur með það að nýta ekki þessi færi. Mörg dauðafæri sem við nýtum ekki. Þú vilt alltaf meira en fyrst og fremst er ég ánægður með spilamennskuna og hópinn."
ÍA byrjaði tímabilið illa en eftir góðar seinustu umferðir er liðið komið einu stigi frá toppnum.
„Við höfum spilað vel í sumar á löngum köflum. Byrjunin var ekki góð en við vorum á réttri átt og þegar þetta small þá vissum við að við gætum keyrt fulla ferð og nú keyrum við lokakaflann fulla ferð."
Viðtalið er í heild sinni hér að ofan
