Sigurður Bjartur Hallsson samdi við KR í haust eftir gott tímabil með Grindavík í Lengjudeildinni. Sigurður samdi þannig við KR að hann mætti semja við erlent félag út janúar, KR myndi ekki koma í veg fyrir að hann kæmist í atvinnumennsku.
Sigurður er þessa stundina á reynslu hjá króatíska félaginu NK Lokomotiva Zagreb. Liðið er í æfingaferð og skoraði Sigurður mark í æfingaleik á dögunum.
Hann hefur alls verið átta daga erlendis og óvíst er hvenær hann fer heim.
Lokomotiva er í sjötta sæti efstu deildar í Króatíu og undirbýr sig fyrir seinni hluta tímabilsins. Sigurður átti að fara á reynslu hjá króatísa félaginu Sibenik síðasta haust en komst ekki vegna meiðsla.
Það var Jóhann Már Helgason sem vakti athygli á þessu í hlaðvarpsþættinum Dr. Football.
Athugasemdir