Natasha Anasi komin með íslenskan ríkisborgararétt

Hún var hjá ÍBV í þrjú ár og skipti svo yfir til Keflavíkur. Í dag er hún fyrirliði Keflvíkinga sem féllu úr Pepsi-Max deild kvenna í haust.

Natasha var kosin besti leikmaður Keflavíkur í haust og ætlar að halda áfram með liðinu í Inkasso-deildinni.

Natasha er 28 ára varnarmaður sem fæddist í Bandaríkjunum og skoraði hún 13 mörk í 18 leikjum í Inkasso-deildinni í fyrra. Hún gerði 6 mörk í 17 leikjum í Pepsi-Max deildinni í ár.