Mikið hefur verið rætt og ritað um framtíð hollenska þjálfarans Erik ten Hag sem á aðeins eftir að stýra Manchester United í tveimur síðustu leikjum tímabilsins áður en framtíð hans ræðst.
Ten Hag vill halda áfram hjá Man Utd þrátt fyrir mikið mótlæti og heldur því fram að liðið sé á betri stað í dag heldur en á sama tíma í fyrra, þegar Rauðu djöflarnir enduðu í þriðja sæti deildarinnar.
Eins og staðan er í dag situr Man Utd í áttunda sæti úrvalsdeildarinnar og þarf mikla heppni til að ná sjöunda sætinu, síðasta Evrópusætinu, af Newcastle United. Man Utd hefur ekki endað neðar en í 7. sæti síðan tímabilið 1989-90.
Man Utd getur þó tryggt sér Evrópusæti með sigri gegn nágrönnum sínum í Manchester City þegar liðin mætast í úrslitaleik enska bikarsins.
„Ef maður skoðar úrslitin þá gekk okkur betur í fyrra, en við vitum öll ástæðurnar fyrir slæmu gengi á núverandi leiktíð. Ég myndi segja að liðið sé á betri stað í dag heldur en fyrir ári síðan, við erum með fleiri gæðaleikmenn í hópnum heldur en við vorum með," sagði Ten Hag, og átti þá við leikmenn á borð við Kobbie Mainoo, Rasmus Höjlund og Alejandro Garnacho sem eru að þróast í gæðaleikmenn.
„Man Utd er ennþá mjög aðlaðandi staður fyrir leikmenn að koma til og við erum með frábæra unga leikmenn í hópnum. Við erum að byggja upp sterkt lið sem getur verið samkeppnishæft á hæsta gæðastigi."
Ten Hag vonast til að afreka merka hluti með Man Utd á næstu leiktíð ef hann heldur starfinu sínu í sumar.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 36 | 24 | 7 | 5 | 68 | 26 | +42 | 79 |
| 2 | Man City | 35 | 22 | 8 | 5 | 72 | 32 | +40 | 74 |
| 3 | Man Utd | 36 | 18 | 11 | 7 | 63 | 48 | +15 | 65 |
| 4 | Liverpool | 36 | 17 | 8 | 11 | 60 | 48 | +12 | 59 |
| 5 | Aston Villa | 36 | 17 | 8 | 11 | 50 | 46 | +4 | 59 |
| 6 | Bournemouth | 36 | 13 | 16 | 7 | 56 | 52 | +4 | 55 |
| 7 | Brighton | 36 | 14 | 11 | 11 | 52 | 42 | +10 | 53 |
| 8 | Brentford | 36 | 14 | 9 | 13 | 52 | 49 | +3 | 51 |
| 9 | Chelsea | 36 | 13 | 10 | 13 | 55 | 49 | +6 | 49 |
| 10 | Everton | 36 | 13 | 10 | 13 | 46 | 46 | 0 | 49 |
| 11 | Fulham | 36 | 14 | 6 | 16 | 44 | 50 | -6 | 48 |
| 12 | Sunderland | 36 | 12 | 12 | 12 | 37 | 46 | -9 | 48 |
| 13 | Newcastle | 36 | 13 | 7 | 16 | 50 | 52 | -2 | 46 |
| 14 | Crystal Palace | 35 | 11 | 11 | 13 | 38 | 44 | -6 | 44 |
| 15 | Nott. Forest | 36 | 11 | 10 | 15 | 45 | 47 | -2 | 43 |
| 16 | Leeds | 35 | 10 | 13 | 12 | 47 | 52 | -5 | 43 |
| 17 | Tottenham | 35 | 9 | 10 | 16 | 45 | 54 | -9 | 37 |
| 18 | West Ham | 36 | 9 | 9 | 18 | 42 | 62 | -20 | 36 |
| 19 | Burnley | 36 | 4 | 9 | 23 | 37 | 73 | -36 | 21 |
| 20 | Wolves | 36 | 3 | 9 | 24 | 25 | 66 | -41 | 18 |
