Breiðablik mætir makedónska liðinu Tikves.
Valur mætir albanska liðinu Vllaznia.
Dregið var í 1. umferð forkeppni Sambandsdeildarinnar í dag. Drátturinn fór fram í Nyon í Sviss og voru Valur, Stjarnan og Breiðablik í pottinum.
Valur mætir albanska liðinu KF Vllaznia og fer fyrri leikurinn fram á N1 vellinum.
Stjarnan mætir Linfield frá Norður-Írlandi og fer fyrri leikur liðanna fram á Samsungvellinum.
Breiðablik, sem var eina íslenska liðið sem var 'seeded'* í drættinum, fær GFK Tikves frá Norður-Makedóníu. Seinni leikur liðanna fer fram á Kópavogsvelli.
Leikdagarnir í Sambandsdeildinni verða 11. og 18. júlí.
Stjarnan fékk næst sterkasta liðið sem liðið gat fengið út frá fyrri árangri liðanna í Evrópu. Vllaznia var þægilegasti andstæðingurinn út frá þeim útreikningi og Tikves var næst lakasta liðið af þeim sem Breiðablik gat mætt.
*Hvort að lið séu seeded eða unseeded fer eftir fyrri árangri liðanna í Evrópukeppnum, 'seeded' lið gátu ekki dregist gegn öðrum liðum sem voru 'seeded'.
Stjarnan mætir norður-írska liðinu Linfield.
Athugasemdir
