„Ég er ánægður að þetta varð leikur þó reyndar seinna markið klári okkur, þetta aulamark,” sagði Sigurður Halldórsson þjálfari Tindastóls eftir 2-0 tap gegn Þór á Þórsvelli í 64-liða úrslitum Borgunarbikars karla.
Lestu um leikinn: Þór 2 - 0 Tindastóll
„Við erum að spila við geysisterkt lið á þeirra heimavelli með góðan stuðning, skemmtilegan og góðan stuðning. Það er flott hvað margir mæta í þessum djöfulsins kulda hérna en jú jú við erum að fara hérna í hörkulið og við erum bara að standa okkur vel,” sagði Sigurður.
Aðspurður út í markmið Stólanna í sumar sagði Sigurður: „Markmiðið er náttúrlega þessi klisja að vinna alla leiki og við erum alveg menn í það. Við erum á eftir eins og hefur marg oft komið fram útaf æfingaaðstöðu heima fyrir, en við jöfnum okkur á því og náum okkur á strik.”
Nánar er rætt við Sigurð í sjónvarpinu hér að ofan.
