Lengjudeildin: Vestri með endurkomusigur í Vestmannaeyjum

Vestri vann góðan sigur á ÍBV í síðasta leik 21. umferðar Lengjudeildarinnar. Leikurinn fór fram í Vestmannaeyjum í dag.

Ísak Andri Sigurgeirsson, lánsmaður frá Stjörnunni, kom ÍBV yfir eftir markalausan fyrri hálfleik.

Vestri svaraði markinu býsna vel og skoraði hinn spænski Nacho Gil jöfnunarmarkið. Viktor Júlíusson kom Vestra svo í forystuna áður en flautað var af.

Það reyndist sigurmarkið í leiknum og lokatölur 1-2 fyrir Vestra í Eyjum.

Núna er aðeins lokaumferðin eftir. ÍBV er í öðru sæti með 44 stig og Vestri er í sjötta sæti með 35 stig. ÍBV er nú þegar komið upp í Pepsi Max-deildina.