Ragnar Joensen, stjórnarmaður í færeyska meistaraliðinu HB, segir í samtali við in.fo í Færeyjum að fréttir íslenskra fjölmiðla um að Heimir Guðjónsson snúi heim til Íslands í haust komi sér á óvart.
Ragnar segir að Heimir sé í viðræðum við stjórn HB um nýjan samning og menn séu bjartsýnir á að Heimir muni framlengja.
Hann telur að ekkert sé til í fréttaflutningi frá Íslandi og segir að Heimir sé mjög opinn fyrir því að halda áfram hjá HB.
Heimir gerði HB að Færeyjarmeisturum í fyrra og liðið er í baráttu um að verja titil sinn í ár. Þá er liðið komið í bikarúrslitaleikinn.
Heimir hefur verið orðaður við nokkur íslensk félög.
Athugasemdir