„Mér líður mjög ílla. Þetta var afskaplega lélegur leikur af okkar hálfu, við áttum lítið skilið útúr þessum leik en við náðum að troða inn marki og jafna leikinn og fáum svo strax mark í andlitið og það var afspyrnu lélegt hjá okkur. " sagði Vigfús Arnar Jósefsson þjálfari Leiknis eftir tapið gegn Vestra á Domusnovavellinum í dag.
Lestu um leikinn: Leiknir R. 1 - 2 Vestri
Leiknir Reykjavík komu ílla stemdir til leiks í dag og áttu ekkert skilið í þessum leik á Domusnovavellinum í dag. Hvað veldur að liðið hafi komið svona til leiks?
„Ekki hugmynd. Við töldum hafa lagt leikinn vel upp og valið rétt lið í leikinn en menn voru bara alls ekki klárir í leikinn og þeir byrja bara strax að herja á okkur og voru miklu kröftugri og við unnum varla návígi, hvort sem það var í varnarlínunni hjá okkur, miðjunni eða frammi og þeir bara völtuðu yfir okkur."
Komu Vestri Vigfúsi eitthvað á óvart?
„Nei alls ekki. Við vorum búnir að kortleggja Vestra vel skiluru og þa kom mér mest á óvart hvað við vorum lélegir."
Nánar var rætt við Vigfús Arnar Jósefsson um leikmannahópinn og síðasta sprettinn í deildinni.
