KSÍ tilkynnti í morgun að Kristall Máni Ingason geti ekki tekið þátt í leikjum U21 gegn Tékklandi í umspili um sæti á EM á næsta ári.
Ísland mætir Tékklandi hér heima á morgun og síðari leikurinn fer fram ytra á þriðjudaginn.
Kristall Máni sem gekk í raðir Rosenborg í Noregi í sumar meiddist þegar hann lenti á stönginni í kjölfar þess að skora mark.
Hann hefur verið í kapphlaupi við tímann að ná leikjunum gegn Tékkum og búist hafði verið við að hann næði allavega síðari leiknum. Nú er komið í ljós að það tekst ekki.
Í gærkvöldi var tilkynnt að Sveinn Margeir Hauksson leikmaður KA hafi verið kallaður inn í hópinn og hann tekur sæti Kristals Mána.
Sveinn Margeir Hauksson, KA, hefur verið kallaður inn í hóp U21 karla. Kristall Máni Ingason, Rosenborg, getur ekki tekið þátt í leikjum liðsins gegn Tékklandi vegna meiðsla.#fyririsland pic.twitter.com/2NJnpVRh3Q
— Knattspyrnusambandið (@footballiceland) September 22, 2022
