Tímabilið hjá Bayern Munchen hefur verið mikil vonbrigði en það stefnir í titlalaust tímabil í fyrsta sinn í meira en áratug.
Liðið féll úr leik í undanúrslitum Meistaradeildarinnar gegn Manchester City og í átta liða úrslitum þýska bikarsins gegn Freiburg.
Liðið er tveimur stigum á eftir Dortmund í 2. sæti deildarinnar fyrir lokaumferðina.
Þýski miðillinn Sport1 segir frá því að Joshua Kimmich sé langt frá því að vera sáttur með vinnubrögð stjórnarinnar á þessari leiktíð. Julian Nagelsmann var látinn fara á tímabilinu og Thomas Tuchel tók við.
Hann er sáttur með Tuchel en hann biður bara um stöðugleika í þjálfaramálum.
Kimmich gekk til liðs við Bayern árið 2015 og er þetta í fyrsta sinn sem hann vinnur ekki titil með liðinu.
Athugasemdir
