Það var sannkallaður stórslagur strax í fyrstu umferð Bestu deildar kvenna þegar Íslands- og bikarmeistarar Vals tóku á móti Breiðablik á Origo vellinum.
Báðum liðum er spáð góðu gengi í sumar og bar leikurinn merki þess efnis í kvöld þar sem ekkert var gefið eftir í miklum baráttuleik þar sem Valskonur höfðu betur með einu marki gegn engu.
Lestu um leikinn: Valur 1 - 0 Breiðablik
„Það er alltaf erfitt að byrja fyrsta leik og oft bara í byrjun móts og skiptir miklu máli að vinna leikina og ég tala nú ekki um að spila á móti liði eins og Breiðablik sem er frábært lið og bara mjög ánægður með það." Sagði Pétur Pétursson þjálfari Vals eftir leikinn í kvöld.
Báðum liðum er spáð velgengni í sumar og baráttu um toppsætið en Pétur var þó fljótur að minna á að það vinnst ekkert í apríl þrátt fyrir sterkan sigur í fyrstu umferð.
„Jájá en þú vinnur ekkert í apríl, ég held að það sé ekkert málið en það er gott að vinna."
Þetta var mikill baráttuleikur og ljóst að bæði lið voru að leggja allt í þetta og var Pétur gríðarlega ánægður með að sjá vinstri fótar manneskju skora sigurmarkið.
„Það var mjög gott og að sjá vinsti fótar manneskju skora var líka æðislegt. Ég elska vinstri fótar leikmenn og það er bara einn í liðinnu." sagði Pétur hress.
Nánar er rætt við Pétur Péturs í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
