Horsens og Lyngby áttust við í Íslendingaslag í annarri umferð dönsku Ofurdeildarinnar og höfðu heimamenn betur með marki í fyrri hálfleik.
Aron Sigurðarson var í byrjunarliði Horsens og spilaði fyrstu 70 mínútur leiksins. Sævar Atli Magnússon kom inn af bekknum á 81. mínútu í liði Lyngby en tóst ekki að gera jöfnunarmark þrátt fyrir mikinn sóknarþunga undir lokin
Freyr Alexandersson er aðalþjálfari Lyngby eftir að hafa komið þeim upp úr B-deildinni á síðustu leiktíð. Liðið er með eitt stig eftir fyrstu tvær umferðirnar og var óheppið að gera ekki jöfnunarmark í dag.
Horsens 1 - 0 Lyngby
1-0 Anders Jacobsen ('21)
Í Þýskalandi lék Kolbeinn Birgir Finnsson allan leikinn með varaliði Borussia Dortmund sem er í C-deildinni.
Kolbeinn, 22 ára, lék í þriggja manna varnarlínu Dortmund í 1-1 jafntefli gegn Wehení fyrstu umferð tímabilsins.
Wehen 1 - 1 Dortmund2
1-0 G. Nilsson ('56)
1-1 Elongo-Yombo ('77)
