Þeir leikmenn sem eru óánægðastir með Alonso nafngreindir

Mundo Deportivo segir að Vinicius Junior, Fede Valverde, Brahim Díaz, Rodrygo, Endrick og Ferland Mendy séu þeir leikmenn sem eru óánægðastir með Alonso.

Valverde hefur verið spilað talsvert úr stöðu á meðan Díaz og Rodrygo hafa vermt varamannabekkinn. Þá er Endrick út í kuldanum.

Helsti gagnrýnandi Alonso er þó Vinícius Jr og sagt að hann vilji ekki framlengja samning sinn, sem er til 2027, á meðan Alonso heldur um stjórnartaumana. Vinícius er með sterkt samband við forseta Real Madrid, Florentino Perez, og mun hafa rætt um stöðuna við hann.

Vinicius var tekinn af velli á 72. mínútu í El Clasico og leyndi ekki pirringi sínum og fór beint inn í göngin. Þegar hann gekk í átt að klefanum heyrðist í honum segja „Ég mun yfirgefa félagið, það er fyrir bestu." - Úr varð mikið fjölmiðlafár.

En spænska blaðið nefnir einnig leikmenn sem standa við bakið á Alonso og eru mög ánægðir með hann. Þar á meðal er Kylian Mbappe og þá eru Dean Huijsen, Alvaro Carreras, Arda Guler og Thibaut Courtois einnig nefndir.