Jónas Kristnsson með Óskari Erni Haukssyni.
„Það er ekkert því til fyrirstöðu að halda áfram með mótið," segir Jónas Kristinsson, framkvæmdastjóri KR, í samtali mbl.is.
Þórólfur Guðnason sóttvarnalæknir hefur boðað hertar aðgerðir vegna Covid-19 faraldursins en Jónas telur hinsvegar að það eigi ekki að hindra Íslandsmótið í að fara aftur af stað.
Þórólfur Guðnason sóttvarnalæknir hefur boðað hertar aðgerðir vegna Covid-19 faraldursins en Jónas telur hinsvegar að það eigi ekki að hindra Íslandsmótið í að fara aftur af stað.
Einn af yfirmönnum Covid göngudeildar Landspítalans hefur talað fyrir því að fótboltinn ætti að geta rúllað hér á landi og Jónas tekur undir þau orð.
„Það hefur ekkert smit greinst á knattspyrnuvellinum og ekkert hópsmit komið upp. Miðað við þær forsendur er ekkert því til fyrirstöðu að halda áfram að spila knattspyrnu," segir Jónas.
„Ég held að Ísland sé eitt fjögurra ríkja þar sem knattspyrna er ekki leyfð. Alls staðar annars staðar er verið að spila. Það er vilji hjá öllum til að halda áfram. Það er bara spurning hversu liðleg stjórnvöld eru í því að horfa á stöðuna eins og hún er."
KR er í harðri baráttu um Evrópusæti en ef mótinu yrði slaufað myndi félagið ekki vera þátttakandi í Evrópukeppni á næsta ári.
Athugasemdir
