„Heilt yfir var þessi leikur nokkuð fínn. Við byrjuðum reyndar illa og vorum hálf sofandi fyrstu mínútur leiksins sem skilaði tveim verðskulduðum mörkum á okkur. Eftir annað mark Vestra fórum við loks í gang, við jöfnuðum baráttuna og spilið fylgdi," segir Friðrik um leikinn.

„Þegar við komum inn í hálfleik fannst mér stemningin þannig að það var ekkert annað að fara að gerast en að við myndum klára þetta. Þetta var mjög erfitt, en góður iðnaðarsigur og mikilvæg þrjú stig."

Höttur er í 7. sæti 2. deildarinnar, sama sæti og liðinu var spáð fyrir mót.

„Ég held að allir séu hundóánægðir með hvernig við byrjuðum mótið, Þrátt fyrir að spilið hafi verið fínt á köflum er búið að vera sorglegt að sjá mikið af þessum stigum fara annað en til okkar. Það hefur hinsvegar verið góður stígandi í þessu hjá okkur, það skulda allir og mótið hvergi búið."

Hvert er markmið Hattar fyrir seinni hlutann?

„Ég held og vona að menn séu hungraðir í að gera betur og klára þetta af alvöru. Fyrsta markmið er klárlega að vera betri en Fótbolti.net spáir manni. Við gerðum plön fyrir mót og ég held að einhverskonar met hafi verið sett í að ná þeim ekki. Ég hef heyrt ýmis markmið en ég held að best sé að taka einn leik í einu og sjá svo hvar við endum."

Friðrik sem er 26 ára er uppalinn hjá Fylki en hefur spilað fyrir Hött síðan 2011.

„Mig var farið að langa að prófa eitthvað nýtt svo ég heyrði í Ingva Þór Georgssyni, þá varamanni og bakverði einsog hann oft titlar sig, sem náði að hans sögn að sannfæra stjórn, starfsfólk og þjálfara í að gefa mér trial. Ég spilaði svo æfingaleik með þeim og leyst ótrúlega vel á þetta. Ég flutti til Egilsstaða sumarið 2011. Við áttum mjög gott tímabil og varð ég yfir mig hrifinn af héraðinu. Félagi minn úr Árbænum hafði flutt austur nokkrum árum áður og tóku vinir hans og liðsfélagar mínir vel á móti mér," segir Friðrik.

„Þetta voru og eru algjörir höfðingjar og þar í fararbroddi var Valdi Dentist. Ég er þeim ekkert nema þakklátur. Ég ákvað að skella mér aftur sumarið eftir og kynntist þá ungri snót og hef ég eftir það alltaf verið á Egilsstöðum yfir sumarið."

Sér Friðrik fram á að spila fyrir Hött mörg ár í viðbót?

„Á meðan ég hef gaman af þessu, með góðan þjálfara og skemmtilegan hóp þá verð ég sennilega alltaf tilbúinn í slaginn," segir Friðrik en hvað er það besta við Egilsstaði? „Villa Park, rólegheit og engin umferðaljós."

Friðrik og félagar í Hetti verða í eldlínunni í kvöld þegar 14. umferð 2. deildarinnar hefst með leik gegn KF á Ólafsfirði.

Sjá einnig:
Bestur í 12. umferð - Kristján Ómar Björnsson (ÍR)
Bestur í 11. umferð - Björn Anton Guðmundsson (ÍR)
Bestur í 10. umferð - Jón Gísli Ström (ÍR)
Bestur í 9. umferð - Sergina Modou Fall (Vestri)
Bestur í 8. umferð - Einar Bjarni Ómarsson (KV)
Bestur í 7. umferð - Duje Klaric (Sindri)
Bestur í 5. umferð - Stefán Ari Björnsson (Grótta)
Bestur í 4. umferð - Nik Chamberlain (Afturelding)
Bestur í 3. umferð - Hafsteinn Gísli Valdimarsson (Njarðvík)
Bestur í 2. umferð - Viktor Örn Guðmundsson (KV)
Bestur í 1. umferð - Viktor Smári Segatta (Grótta)