Almería var fallið fyrir þessa umferð en liðið vann óvæntan 1-0 sigur á Rayo Vallecano í dag.

Sevilla vann á meðan Granada, 3-0, þar sem þeir Marcos Acuna, Youssef En-Nesyri og Dodi Lukebakio skoruðu mörkin. Sevilla er búið að tryggja áframhaldandi veru sína í deildinni, en fall blasir við Granada.

Liðið er í næst neðsta sæti með 21 stig, ellefu stigum frá öruggu sæti þegar fjórar umferðir eru eftir.

Cadiz mun líklega fylgja Granada og Almería niður, en liðið er í þriðja neðsta sæti með 26 stig, nú sex stigum á eftir Mallorca, eftir tapið gegn Real Madrid í gær.

Real Betis vann 2-0 sigur á Osasuna í Evrópubaráttunni. Betis er í 7. sæti með 52 stig, fimm stigum á undan Valencia. Sætið gefur þátttöku í Sambandsdeild Evrópu.

Celta Vigo er svo gott sem sloppið vil fall eftir að hafa unnið Villarreal, 3-2. Anastasio Douvikas skoraði sigurmarkið á 82. mínútu.

Úrslit og markaskorarar:

Celta 3 - 2 Villarreal
0-1 Alberto Moreno ('12 )
1-1 Iago Aspas ('22 , víti)
2-1 Jorgen Strand Larsen ('39 )
2-2 Goncalo Guedes ('65 )
3-2 Anastasios Douvikas ('82 )
Rautt spjald: Santi Comesana, Villarreal ('17)

Rayo Vallecano 0 - 1 Almeria
0-1 Rafael Lozano ('30 )

Osasuna 0 - 2 Betis
0-1 Ayoze Perez ('41 )
0-2 Pablo Fornals ('45 )
Rautt spjald: Jon Moncayola, Osasuna ('26)

Sevilla 3 - 0 Granada CF
1-0 Marcos Acuna ('11 )
2-0 Youssef En-Nesyri ('51 )
3-0 Dodi Lukebakio ('80 )

Valencia 0 - 1 Alaves
0-1 Javi Lopez ('68 )