Gengi Southampton á tímabilinu hefur ekki verið gott og það hefur verið mikil pressa á Mark Hughes stjóra Southampton, staða hans hjá félaginu ætti þó að vera heldur öruggari eftir 2-2 jafntefli við Manchester United í gær.

„Þetta verður að teljast sem nokkuð góð niðurstaða, við höfum verið að spila vel síðustu vikur en þegar maður er ekki að ná í góð úrslit þá fær maður ekkert hrós fyrir spilamennskuna."

„Við fengum færi til að klára leikinn en þeir áttu líka sín færi. Við vorum með nokkuð góð tök á seinni hálfleiknum og United ógnaði ekki mikið, við getum hrósað sjálfum okkur fyrir það."

„Ég get ekki annað sagt en að ég sé ánægður, þetta var gott stig gegn góðu liði og við þurfum að halda áfram á þessari braut," sagði Hughes að lokum.

Næst á dagskrá hjá Southampton er útileikur gegn Tottenham á miðvikudaginn í ensku úrvalsdeildinni.

Tweet

Senda a Facebook Hafdu samband Senda frétt Prenta frétt Frétta leit