Gylfi Þór Sigurðsson.
Bjarni hefur verið frábær í bikarnum.
Nær Jónatan að spila?
Birgir Baldvinsson tekur út leikbann.
Viðar Örn lék fyrsta klukkutímann eða svo gegn HK og kom sér í nokkrar góðar stöður.
Klukkan 18:00 á Greifavellinum hefst viðureign KA og Vals í undanúrslitum Mjólkurbikars karla. Liðin spiluðu bæði síðast á föstudagskvöld og hér að neðan má sjá líkleg byrjunarlið liðanna.
Hjá KA eru þeir Birgir Baldvinsson og Bjarni Aðalsteinsson í leikbanni sem hafa verið algjörir lykilmenn í liðinu.
Hjá KA eru þeir Birgir Baldvinsson og Bjarni Aðalsteinsson í leikbanni sem hafa verið algjörir lykilmenn í liðinu.
Við spáum því að Hrannar Björn Steingrímsson snúi til baka úr meiðslum og komi inn í bakvörðinn. Ef Hrannar er ekki klár þá gæti Ingimar Torbjörnsson Stöle komið inn.
Það er svo spurning hvort Ásgeir Sigurgeirsson komi inn fyrir Bjarna Aðalsteinsson eða þá Harley Willard. Ef Ásgeir kemur inn þá gæti Sveinn Margeir færst niður á miðsvæðið. Það verður fróðlegt að sjá hvað Hallgrímur Jónasson, þjálfari KA, gerir.
Hjá Val eru stærstu spurningamerkin heilsa Gylfa Þórs Sigurðssonar og Jónatans Inga Jónssonar. Við spáum því að Gylfi hafi horft í þennan leik alveg frá því að leiknum gegn Víkingi lauk og hann verði klár í kvöld.
Jónatan fór snemma af velli í síðasta leik og hefur glímt við meiðsli á tá. Við spáum því að Bjarni Mark verði í liðinu en ef Jónatan er klár þá er líklegast að hann komi inn fyrir Bjarna.
Athugasemdir
