Besti dómarinn 2020: Tekur titilinn annað árið í röð

Fótbolti.net velur Ívar Orra Kristjánsson sem dómara ársins 2020 en niðurstaðan var kynnt í Innkastinu í dag.

Sjá einnig:
Innkastið - Uppgjör Pepsi Max-deildarinnar

Ívar, sem er fæddur 1989, hefur undanfarin ár verið mjög vaxandi og er í hópi alþjóðlegra dómara hér á landi.

Í dag er hann einn okkar besti dómari og var að mati Fótbolta.net besti dómarinn á liðnu tímabili. Hann vann þennan titil einnig fyrir árið 2019 og er því dómari ársins tvö ár í röð.

Fótbolti.net hefur valið dómara ársins frá 2011 en Erlendur Eiríksson og Gunnar Jarl Jónsson hafa fengið þann titil í tvígang líkt og Ívar hefur nú afrekað.