Fótbolti.net

Rúnar: Helvítið hann Kristján Finnbogason þekkir alla vítaskyttur á landinu

Siggi Höskulds: Einhver mesti markaskorari sem ég hef séð í yngri flokkum

Fjórir leikmenn ÍR í páskafríi erlendis - „Með algjöru leyfi frá okkur"

Peter Jones með sitt fyrsta meistaraflokksmark: Þetta kemur ekki frá pabba

Halli Hróðmars: Mjög svekktur að hafa ekki getað spilað í Grindavík í dag

Adam Páls: Maður þarf að þroskast líka sem persóna

Alexander Rafn: Geðveikt að fá að læra af þessum leikmönnum

Eggert Gunnþór: Ríkjandi bikarmeistarar og við vissum alltaf að þetta yrði erfitt

Keppni sem okkur þykir vænt um - „Stefnum bara á Laugardalsvöll"

Jakob Gunnar skoraði gegn gömlu félögunum - „Skrítið en mjög skemmtilegt"

Hallgrímur Mar um innkomu Römer: Eins gott og það gat verið

Viktor Elmar: Er flottur leikmaður, þó ég segi sjálfur frá

Gunnar Már um fyrstu mánuðina: Þetta hefur verið brekka

Dóri Árna um Damir: Innan við eitt prósent líkur á því

Rúnar Páll: Ég ætlaði að taka mér pásu frá þjálfun

Haukur Andri: Maður ætlar sér klárlega aftur út

Ian Jeffs: Meira svekktur með frammistöðuna en úrslitin

Viktor Jóns: Ég elskaði að spila með Hinriki

Bjarni Jó: Bara eitt Hafnarfjarðarlið eftir

Vildi koma aftur í KA: Félag á uppleið og gaman að vera hluti af því

þri 26. september 2017 12:00

Elvar Geir Magnússon

Besti dómarinn 2017: Það er ekki auðvelt að standa í þessu

Vilhjálmur Alvar Þórarinsson

Vilhjálmur dæmdi bikarúrslitaleikinn í ár.

Mynd: Fótbolti.net - Hafliði Breiðfjörð

Vilhjálmur Alvar Þórarinsson hefur verið valinn besti dómari ársins 2017 af Fótbolta.net. Vilhjálmur, sem er 32 ára, er sammála því að þetta hafi verið hans besta tímabil.

„Það hefur gengið vel í sumar. Ég kom vel undirbúinn til leiks og leikirnir hafa flestir gengið vel að mínu mati. Ég get ekki kvartað," segir Vilhjálmur sem dæmdi meðal annars bikarúrslitaleik ÍBV og FH.

„Ég persónulega reyni að setja mér markmið fyrir hvert tímabil og bikarúrslitaleikur var klárlega eitt af þeim markmiðum. Ég tel mig hafa sýnt það með frammistöðu minni framan af sumri að ég gerði tilkall í að fá hann. Ég var glaður og stoltur að fá þann leik."

Varðandi dómgæsluna í heild sinni í sumar er Vilhjálmur sammála því að yngri dómarar deildarinnar hafi tekið miklum framförum í sumar.

„Ívar Orri og Helgi Mikael hafa verið að koma mjög öflugir inn. Ívar Orri hefur stigið mjög upp eftir kannski erfiða byrjun á hans ferli. Hann hefur þroskast um mörg dómaraár og ég held að hann eigi eftir að verða enn betri. Helgi hefur verið öflugur og það eru fleiri að koma inn, þrátt fyrir að þeir mættu vera fleiri."

„Dómgæslan stendur á ákveðnum tímapunkti. Það eru kynslóðaskipti að ganga í gegn og það þarf að halda vel á spöðunum til að það skili sér áfram í góðri dómgæslu."

Það voru stór tíðindi í dómaramálunum í gær þegar Gunnar Jarl tilkynnti að hann ætlaði að taka sér frí frá dómgæslu.

„Það er mjög vont að missa hann. Ég vona dómgæslunnar vegna að þetta verði ekki meira en eitt ár í pásu. Þetta sýnir að það er ekki auðvelt að standa í þessu. Það er mjög mikil pressa og mikill tími sem fer í þetta. Vonandi tekur hann ekki lengra en eitt ár í pásu," segir Vilhjálmur Alvar.

Sjá einnig:
Þorvaldur Árnason dómari ársins 2016
Erlendur Eiríksson dómari ársins 2015
Gunnar Jarl Jónsson dómari ársins 2014
Garðar Örn Hinriksson dómari ársins 2013
Gunnar Jarl Jónsson dómari ársins 2012
Erlendur Eiríksson dómari ársins 2011