Tomic kom til ÍBV fyrir síðasta tímabil.
Það vakti athygli í gær þegar Milan Tomic, leikmaður ÍBV, var skipt af velli í hálfleik þegar Breiðablik mætti til Vestmannaeyja.
Aleksandar Linta, þjálfari ÍBV, sagði við Fótbolta.net að Tomic hefði beðið um skiptingu. Serbneski miðjumaðurinn hefur byrjað alla leiki ÍBV til þessa á tímabilinu.
Aleksandar Linta, þjálfari ÍBV, sagði við Fótbolta.net að Tomic hefði beðið um skiptingu. Serbneski miðjumaðurinn hefur byrjað alla leiki ÍBV til þessa á tímabilinu.
Lestu um leikinn: ÍBV 1 - 2 Breiðablik
„Ef ég á að vera hreinskilinn þá bað hann um skiptingu, hann var þreyttur, en ég er sammála þér að hann getur gert betur. Ég sá hann í vetur gera betur, bæði varnarlega og sóknarlega. Þetta getur tekið tíma, en ég held að fljótlega verði hann sá leikmaður sem hann var á síðasta ári og í vetur," sagði Linta við Tryggva Guðmundsson eftir leikinn.
Þess má geta að Tomic hefur fengið fjögur gul spjöld í fimm leikjum í deildinni og er fyrstur til að fara í leikbann vegna uppsafnaðra áminninga. Hann spilar ekki gegn KA í næstu umferð.
Drógu stutta stráið
„Við vorum óheppnir með leikjaniðurröðunina. Við munum spila á móti 5-6 bestu liðum Íslands í fyrstu 6-7 leikjunum. Svona er þetta og við verðum að berjast í gegnum það," sagði Linta en framundan eru leikir gegn KA og Víkingi.
ÍBV er með eitt stig eftir fyrstu fimm umferðirnar.
Besta karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. KR | 5 | 5 | 0 | 0 | 22 - 9 | +13 | 15 |
| 2. Víkingur R. | 5 | 4 | 1 | 0 | 13 - 4 | +9 | 13 |
| 3. Breiðablik | 5 | 3 | 2 | 0 | 8 - 2 | +6 | 11 |
| 4. Fram | 5 | 3 | 1 | 1 | 15 - 9 | +6 | 10 |
| 5. Valur | 5 | 3 | 0 | 2 | 11 - 9 | +2 | 9 |
| 6. Stjarnan | 5 | 2 | 0 | 3 | 11 - 13 | -2 | 6 |
| 7. Þór | 5 | 2 | 0 | 3 | 5 - 11 | -6 | 6 |
| 8. ÍA | 5 | 1 | 2 | 2 | 6 - 10 | -4 | 5 |
| 9. KA | 5 | 1 | 1 | 3 | 5 - 8 | -3 | 4 |
| 10. Keflavík | 5 | 1 | 1 | 3 | 6 - 10 | -4 | 4 |
| 11. FH | 5 | 0 | 1 | 4 | 8 - 15 | -7 | 1 |
| 12. ÍBV | 5 | 0 | 1 | 4 | 6 - 16 | -10 | 1 |
