Það dró heldur betur til tíðinda undir lok leiksins þegar Tomas Soucek, besti leikmaður West Ham á tímabilinu, fékk ansi ódýrt rautt spjald. Hann rak höndina í andlitið á Aleksandar Mitrovic sem féll í jörðina. Það var ekki mikið í þessu og meira að segja Mitrovic virtist reyna að biðla til dómarans að gefa honum ekki rauða spjaldið. Samt sem áður, eftir langa VAR skoðun, fór rauða spjaldið á loft.

„Það er út af þessu sem fólk verður pirrað þegar það horfir á fótbolta nú til dags," sagði Redknapp. „Þegar það sér svona gerast."

„Það eru tveir menn þarna sem eru að skoða þetta. Að Mike Dean fari í skjáinn og skoði þetta, og finnist þetta samt rautt spjald - það er alvöru áhyggjuefni að mínu mati."