Leiknir fékk skell í kvöld í Bestu deild karla en liðið heimsótti Víking í Fossvoginn.
Skemmst er frá því að segja að heimamenn skoruðu níu mörk gegn engu marki gestanna og því alvöru kjaftshögg sem Sigurður Höskuldsson og lærisveinar hans í Leikni fengu í kvöld.
Lestu um leikinn Víkingur R 9-0 Leiknir R
Lestu um leikinn: Víkingur R. 9 - 0 Leiknir R.
„Það hafa stærri lið en Leiknir Reykjavík fengið svona útreið og þegar á botninn er hvolft þá er ég bara stoltur af liðinu. Mér fannst við koma mjög vel stemmdir inn í fyrri hálfleik, þeir náttúrulega skora bara úr hverju einasta skoti sem þeir eiga á markið í fyrri hálfleik, á meðan við fáum 5-6 mjög góða sénsa,” sagði Siggi í viðtali eftir leikinn.
„Við héldum áfram að spila og við gáfumst ekkert upp og að mörgu leiti er ég bara hrikalega stoltur af liðinu þrátt fyrir allt saman.”
Sigga fannst sitt lið ekki brotna eftir fyrsta mark Víkings í leiknum.
„Mér fannst það bara alls ekki. Mér fannst við bara halda áfram að spila og gerðum margt vel, þetta er eitt besta pressulið Íslands og þeir pressuðu okkur vel en við héldum áfram að spila og við vildu aðeins fara „overboard” í að spila, við höfum ekki verið góðir í því upp á síðkastið.”
Leiknir mætir Val á sunnudaginn kemur í næst síðustu umferð deildarinnar. Það má búast við því að þeir mæti dýrvitlausir í þann slag.
„Við erum einu stigi á eftir Skaganum og tveimur á eftir FH-ingum og þetta er bara smá högg, við stöndum upp og áfram gakk því að það er rosalegt gott „vibe” í hópnum og við erum mjög laskaðir í dag, margir frá en við ættum að endurheimta einhverja og við munum taka vel á móti Völsurunum á sunnudaginn."
Nánar er rætt við Sigurð í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
