Ólafur skildi ekkert í hraðanum á Jose Nahi.
Ólafur Þór Guðbjörnsson, þjálfari Stjörnunnar, var að vonum hundsvekktur eftir 5-2 tap liðsins gegn rússneska liðinu Zvezda í Meistaradeild kvenna í kvöld.
Stjarnan fékk á sig tvö mörk á fyrstu 12 mínútunum og tvö á síðustu tveimur mínútunum en átti að öðru leiti fínan leik. Ólafur viðurkennir að úrslitin séu mikil vonbrigði.
Stjarnan fékk á sig tvö mörk á fyrstu 12 mínútunum og tvö á síðustu tveimur mínútunum en átti að öðru leiti fínan leik. Ólafur viðurkennir að úrslitin séu mikil vonbrigði.
,,Þetta er svekkjandi, sérstaklega miðað við seinni hálfleikinn og seinni partinn í fyrri. Við erum ekki með á nótunum í byrjun og síðustu tvær mínúturnar," sagði Ólafur eftir leikinn.
Framherjinn Jose Nahi var hreint út sagt ótrúleg í leiknum og skoraði fjögur af mörkum gestanna. Hraði hennar og styrkur var eitthvað sem Ólafur sagðist aldrei hafa séð áður.
,,Þessi senter þarna er eitthvað sem við höfum aldrei séð aftur og ekki viss um að við sjáum þetta aftur í framtíðinni, nema þá bara í næstu viku. Það er ótrúlegt að horfa á þetta. Hún er fljót og sterk, við erum búin að sjá hana en við vissum að það væri ekki þessi hraði á henni. Ég hef aldrei séð fótboltakonu svona fljóta og ég er nú búinn að sjá töluvert í þessu," sagði Ólafur.
