Alfreð Finnbogason, sóknarmaður íslenska liðsins, var ánægður eftir öflugan sigur gegn Rúmenum í kvöld.
„Við vorum sterkir og góðir með boltann. Það var ró yfir liðinu og við vorum að skapa mörg færi í fyrri hálfleiknum. Við vissum hvar þeirra hættur voru og frammistaðan varnarlega var geggjuð. Rúmenar sköpuðu ekkert úr opnum leik," segir Alfreð.
„Við vorum sterkir og góðir með boltann. Það var ró yfir liðinu og við vorum að skapa mörg færi í fyrri hálfleiknum. Við vissum hvar þeirra hættur voru og frammistaðan varnarlega var geggjuð. Rúmenar sköpuðu ekkert úr opnum leik," segir Alfreð.
Hann var spurður út í frammistöðu Gylfa.
„Þetta er ekki í fyrsta sinn sem við sjáum svona frá honum. Það er frábært að vera sóknarmaður sem svona leikmann með sér. Hann sér alltaf einn eða tvo leiki fram í tímann. Slúttin hans eru frábær."
Það voru tæplega 60 meðlimir Tólfunnar á leiknum en annars tómar stúkur. Þó völlurinn hafi nánast verið tómur, hversu miklu munar að hafa þó þennan hóp?
„Það munar gríðarlega miklu. Þetta er svipað og í Þýskalandi núna, þar er byrjað að hleypa inn litlum hópum og það er ótrúlegt hversu miklu munar um það. Við erum sáttir við að þessi hópur hafi fengið að mæta."
Í næsta mánuði er úrslitaleikur gegn Ungverjalandi um sæti á EM alls staðar.
„Það er mikil rútína í hópnum og það þarf ekkert að ræða þetta of mikið. Við erum búnir að halda sama kjarna í átta ár og það er ótrúlegt hungur í liðinu að komast inn á annað stórmót," segir Alfreð.
Athugasemdir