Pique færist nær endurkomu

Gerard Pique, varnarmaður Barcelona, gefur til kynna að hann nálgist endurkomu með því að birta mynd af æfingasvæðinu á Twitter.

Miðvörðurinn reynslumikli meiddist illa á hné í tapi gegn Atletico Madrid í nóvember.

Það hefur reynst erfitt fyrir Barcelona að reyna að fylla hans skarð og ýmsar breytingar verið gerðar á varnarlínunni milli leikja.

Pique er 34 ára og yrði kærkomið fyrir Börsunga að fá hann til baka sem fyrst. Barcelona er sem stendur í þriðja sæti La Liga, átta stigum á eftir toppliði Atletico Madrid.