Forest sýndi flotta frammistöðu en lenti undir þrisvar sinnum í leik þar sem lokatölurnar urðu 2-3.

„Við sýndum flotta frammistöðu í dag en okkur var refsað vægðarlaust fyrir hver einustu mistök. Það er margt jákvætt sem við getum tekið með okkur úr þessum leik en líka annað sem við þurfum að bæta. Við þurfum meiri einbeitingu og ákveðni. Við erum ekki komnir á þann stað sem við viljum vera á, við erum á leiðinni þangað," sagði Espirito Santo eftir tap á heimavelli.

„Við sköpuðum mikið af góðum stöðum gegn erfiðum andstæðingum í dag og stjórnuðum leiknum í síðari hálfleik án þess að skora. Við þurfum að nýta færin okkar betur og við þurfum að bæta hugarfarið í varnarleiknum.

„Við þurfum að leggja mikið á okkur til að halda liðinu í deild þeirra bestu. Strákarnir eru tilbúnir til að leggja allt í sölurnar."