Ferðalag Hollands til Dortmund gekk alls ekki að óskum
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Hollenska landsliðið kom mun seinna til Dortmund en áætlað var. Liðið mun leika gegn Englandi í borginni í kvöld, í undanúrslitum EM.
Aflýsa þurfti lestarferð liðsins frá Wolfsburg í gær, þar sem liðið er með sínar æfingabúðir. Það var mikill hiti í Þýskalandi, yfir 30 gráður, og þurfti að loka einhverjum járnbrautarteinum.
Hollenski hópurinn fór frá lestarstöðinni í lögreglufylgd og endaði með því að taka flug í gærkvöldi.
Aflýsa þurfti lestarferð liðsins frá Wolfsburg í gær, þar sem liðið er með sínar æfingabúðir. Það var mikill hiti í Þýskalandi, yfir 30 gráður, og þurfti að loka einhverjum járnbrautarteinum.
Hollenski hópurinn fór frá lestarstöðinni í lögreglufylgd og endaði með því að taka flug í gærkvöldi.
Aflýsa þurfti fréttamannafundi hollenska landsliðsins sem átti að vera í gær og liðið gat ekki tekið létta æfingu á leikvangnum.
Ronald Koeman landsliðsþjálfari Hollands vill ekki gera mikið úr þessum ferðatruflunum og segir að þær hafi ekki haft mikil áhrif á lið sitt.
Leikur Hollands og Englands hefst klukkan 19 í kvöld en sigurliðið mun mæta Spáni í úrslitaleiknum á sunnudag.
Ronald Koeman landsliðsþjálfari Hollands vill ekki gera mikið úr þessum ferðatruflunum og segir að þær hafi ekki haft mikil áhrif á lið sitt.
Leikur Hollands og Englands hefst klukkan 19 í kvöld en sigurliðið mun mæta Spáni í úrslitaleiknum á sunnudag.
