Benzema snéri aftur í franska landsliðið eftir sex ára útlegð er hann tók þátt á Evrópumótinu í sumar.

Didier Deschamps, þjálfari franska landsliðsins, ákvað að hætta að velja hann eftir alvarlegt mál sem kom upp í hópnum. Benzema átti þá að hafa tekið þátt í að kúga fé úr Mathieu Valbuena.

Það mál fer fyrir dómstóla síðar í þessum mánuði en Benzema hefur verið að gera góða hluti í franska liðinu síðan hann snéri aftur.

Hann skoraði glæsilegt mark í leiknum í kvöld og lyfti svo bikar þegar flautað var til leiksloka. Þetta var 27. titill hans á ferlinum og er hann því formlega sigursælasti knattspyrnumaður Frakklands frá upphafi.