Klukkan 19:15 verður flautað til leiks á Old Trafford í leik Manchester United og Liverpool. Það er alla vega planið.
Þessi leikur átti að fara fram í byrjun þessa mánaðar en það þurfti að fresta honum. Leikurinn fór ekki fram vegna mótmæla stuðningsmanna Man Utd fyrir utan Old Trafford. Stuðningsmönnunum tókst að ryðja sér leið inn á völlinn og í búningsklefa áður en leikmenn áttu að mæta á völlinn.
Stuðningsmenn Rauðu djöflanna mættu á völlinn til að mótmæla eignarhaldi Glazer fjölskyldunnar á félaginu og tókst að láta fresta stórleiknum.
Það er rólegt um að litast fyrir utan völlinn en núna eru mótmælendur búnir að stöðva rútu merkta Liverpool sem í Manchester. Mótmælendur hafa komið bílum sínum fyrir framan rútuna og kemst hún ekki áfram eins og er.
Hvað gerist, það mun koma í ljós. Leikurinn á eins og áður segir að hefjast 19:15. Leikmenn Manchester United eru komnir á völlinn.
There is another bus at team hotel but this is official one (and the tyres have just been let down) pic.twitter.com/w7CeeEXV06
— Daniel Taylor (@DTathletic) May 13, 2021
Athugasemdir