Leeds United er í leit að markverði eftir að félagið lánaði Kiko Casilla til Elche á Spáni.

Victor Orta, yfirmaður knattspyrnumála, er sagður vera með þrjú nöfn á lista til að koma í staðinn fyrir Casilla.

Þeir heita Daniel Cardenas, Kristoffer Klaesson og Freddie Woodman. Cardenas er 24 ára Spánverji sem er á mála hjá Levante og er varamarkvörður liðsins.

Klaesson er tvítugur og Leeds hefur verið með hann á lista í tvö ár. Norðmaðurinn er aðalmarkvörður Vålerenga og hefur þegar leikið 54 leiki með liðinu í efstu deild.

Woodman, sem er 24 ára, er á mála hjá Newcastle og á að baki leiki fyrir U21 landslið Englands. Hann hefur einnig verið orðaður við Arsenal og Swansea í sumar. Hann hefur verið tvö síðustu tímabil hjá Swansea.

Illan Meslier er aðalmarkvörður Leeds. Leeds vill fá inn markvörð áður en liðið spilar undirbúningsleiki fyrir komandi tímabil eftir tvær vikur.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit