Elmar Kári
Ari Sigurpálsson er á leið til sænska félagsins Elfsborg en Kristján Óli Sigurðsson og Orri Rafn Sigurðarson greina báðir frá þessu á X.
Kantmaðurinn Ari hefur verið eftirsóttur af mörgum liðum í Svíþjóð en virðist nú á leið til Elfsborg og verður liðsfélagi Júlíusar Magnússonar sem gekk til liðs við Elfsborg frá Fredrikstad í janúar. Ari og Júlíus léku saman með Víkingi áður en Júlíus hélt i atvinnumennsku.
Kjartan Kári Halldórsson, leikmaður FH, hafði verið orðaður við Víking en FH hafnaði tilboðum frá Víkingi í leikmanninn fyrr í vetur. Samkvæmt Kristjáni Óla hefur Víkingur áhuga á að fá Elmar Kára Enesson Cogic frá Aftureldingu. Samkvæmt heimildum Fótbolta.net hafa Víkingar ekki lagt fram tilboð enn sem komið er.
Kári Árnason, yfirmaður fótboltamála hjá Víkingi, svaraði ekki símtölum frá Fótbolta.net í gær.
Ari Sigurpálsson verður leikmaður Elfsborg í Svíþjóð innan fárra daga.#HeimavinnaHöfðingjans
— Kristján Óli Sigurðsson (@kristjanoli) March 15, 2025
Elmar Cogic á að leysa hann af í Víkinni. pic.twitter.com/7Bo88m7KuU
Ari Sigurpálsson?
— Orri Rafn Sigurdarson (@OrriRafn) March 15, 2025
Ari Sigurpálsson er að ganga til liðs við Elfsborg í ???????? standist hann læknisskoðun.
Ari á eftir að skrifa undir samninginn en tilboðið sem að Víkingar fengu var of gott til að hafna.
Umboðsmaður hans né Kári Árnason vildu tjá sig þegar ég hafði samband í gær pic.twitter.com/auQ5c46M7q
Athugasemdir
