Það var þungu fargi létt af Rúnari í kvöld
Rúnar Páll Sigmundsson var kátur með sigur sinna manna í lautinni í kvöld þar sem Stjarnan unnu Fylki 0-2 í Pepsi deild karla. Stjarnan hafði tapað tveimur fótboltaleikjum í röð í deildinni fram að þessum leik.
„Þetta er gríðarlegur léttir fyrir okkur og þungu fargi af manni létt," sagði Rúnar í samtali við Fótbolta.net
„Þetta er gríðarlegur léttir fyrir okkur og þungu fargi af manni létt," sagði Rúnar í samtali við Fótbolta.net
Lestu um leikinn: Fylkir 0 - 2 Stjarnan
Leikurinn einkenndist af mikilli baráttu og var það eitthvað sem við var að búast þar sem liðin eru að berjast á svipuðum stað í deildinni.
„Við reiknuðum alveg með því, við erum jöfn á stigum þannig það var alveg augljóst mál að liðið sem myndi vinna baráttuna á vellinum myndi fara með stigin heim."
„Fyrsta markið var svona hálf skrýtið af þeirra hálfu en Jón Arnar gerði feyki vel vil ég meina og skoraði flott mark. Markið hjá Halldóri var mjög vel gert hjá okkar mönnum. Vörnin var mjög öflug og við unnum sem lið í dag en ekki 11 einstaklingar inni á vellinum.
Gunnar Nielsen var fjarverandi hjá Stjörnunni í kvöld.
„Hann er bara í Færeyjum var að spila landsleik á laugardaginn og við gátum ekki fært leikinn."
